Núcleo rural
No sueste da freguesía, e continuando polo vello camiño que desde Val atravesa A Pena, chegamos a Carballedo, unha entidade de poboación até hai pouco de seis casas.
Na actualidade, son catro as vivendas que conforman este lugar
O Castro
Así o describe o Colectivo do Patrimonio do Ancares: situado na aldea de Carballedo, parroquia de Penarrubia, a 644 metros de altitude sobre o nivel do mar. Localizado nun pequeno outeiro, xunto a Vía XIX. De planta tirando a rectangular, ten unhas medidas aproximadas de 160 x 120 metros. A mesta matogueira impide saber se conserva algún tipo de estruturas, mais obsérvase que estaba delimitado por parapeitos e por algún foxo. No recinto, ata os anos sesenta do pasado século, sementábase o pan. Un camiño pola parte NO afectou o parapeito.
