Situación
No cumio do monte de Navallos, a 884 metros de altitude, aséntase A Fonte dos Poios. Non hai moito tempo, este lugar estaba dominado pola matogueira e o arborado, hoxe predominan os pasteiros que serven para a práctica da gandería extensiva onde pacen bos exemplares de vacas do país.
Núcleo rural
O núcleo rural concéntrase neste lugar de engado desde o que se domina a impresionante panorámica do Val atravesado pola autovía A6 con O Casar, A Lagúa, Furco e o Cereixal ao lonxe.
Capela de Santa Bárbara
Antano, a capela de Santa Bárbara, protectora contra as treboadas, presidía o espazo arredor do que se sitúan as casas. Hoxe tan só quedan os entullos das súas paredes. Estes restos están incluídos no Catálogo de Patrimonio Cultural como ben de tipo arqueolóxico na ficha 27901_Baralla_11408. O seu contorno de protección abrangue unha área de 200 metros de diámetro.
A entullos tamén quedaron reducidas a casa do Ferreiro e a súa forxa que abeiran o camiño na entrada deste lugar.
